نهاية داشر"روايه من العهد الأغريقي"

الله من واحد قرى العنوان وراح فكره يم لعبة ترافيان<< مهوب يلعبها ابد
والله من واحد قراها وهو منسدح على الخرزه السفلى وقال ووشوله ابلع ريقي


"دحيم هو شاب غثيث متبجح يطمح الى كل شيء فيه تحقيق المصالح الدنيويه الدنيا!
عاش دحيم بين جنبات تلك القريه اللتي يحيطها من كل اتجاه اشجار النخيل وألأثل
<< اكيد يعني وش بيصير فيها شجر برتقان
اكمل دحيم تعليمه الأبتدائي ولم يتخرج من المرحله الأبتدائيه الا وقد تغيرت نبرات صوته
وبدئت فيه مراحل المراهقه المبكره لم يكن يرغب اي شخص بالتقرب الى
دحيم كونه غريب الطباع ولم يسلم احد من لسانه الاذع(ترى لاذع يعني قوي وشديد
مهوب البليتين اللي في الدداسن سقى الله ايام شارع الدسكو )
دخل دحيم درسته المتوسطه املاً الحصول على الشهاده الأعداديه <---شاك في هالكلمه هي مناسبه او لاء
سجل في جماعة النظام واصبح المفتاح السحري لوكيل المدرسه وعصاه اللتي لاتعصاه
استغل دحيم صلاحيته في فرض النظام وثلج صدره تودد الطلاب اليه كي يعفيهم
من العقوبه وهم في قرارة انفسهم يكرهونه كما يكرهون يوم السبت
كان دحيم يظهر وده وأعجابه بالطلبه الوسيمين وكان لايسجل اساميهم ولا يعرظهم
للعقوبه اطلاقاً لأغراض في نفسه ويتميلح ويطلق الأشارات الامحسوبه
ابلغ عدد من الطلاب على المذكور دحيم قصصه الغراميه اللتي كان يختلقها
وذهبوا اللى الوكيل اللذي كان قريب من دحيم في صلة الرحم ولم يلقيلها بالاً
وعندما زاد التحرش الغير طبيعي بعد ان قام دحيم بالتحجير على مصطفى سمنديقه السوداني
في غرفة الرياضه عندما كان يستعد للبس البدله الرياضيه ذهب مصطفى الى المدير
الذي كان امام مسجد البلده اللتي كان يقطن(يقطن ولا يقمش خخخ) بها دحيم
قام مدير المدرسه بالتحقيق مع دحيم وتم فصله عن المدرسه وأخبار والده بالجنايه اللتي
قام بها,,,,,
التحق دحيم بمدرسه اخرى بعد نطل الوحيه وواسطة شليويح بن شارخ امير القريه
اكمل دحيم دراسته بعد الجهد والجهيد وحصل على الشهاده الأعداديه<--مازلت شاك في الكلمه
اراد دحيم الألتحاق بأحد المدارس الثانويه ولاكن لم يكن هنالك في الديره مدرسه ثانويه
فقرر الذهاب الى عمه في الرياض لأكمال تعليمه
تعرف دحيم على شلة فاسده وكان يطمح الى هؤلاء الأصدقاء اللذين كانوا
بمثابة الطموح وتحقيق الذات اليه
لم يبرح دحيم حتى شاهد اول صوره مخله اتى بها زعير <---زعير عيارة سعيد
ولم يتوانى في طلب المزيد <----خشة دحيم أول ماشاف الصوره
حتى تحقق له حلمه في الحصول على ذلك الشريط السنمائي الثقافي
لم ينتظر طويلاً وفي عز القايله ذهب الى بيت عمه ناصين الملحق مصرفن المبزره الصغار
يالله بيجي صديقي زعير(سعيد) بيتعشى عندي استغرب ابناء عمومته تصرفه الغريب والريبه
اللتي كانت باينه على عيناه مندهشين وقالوا احد يتعشى ذا الحزه يادحوم وبعدين
ورى مخباتك منتفخه على شكل مربع <--- ملكع ولد عمه البزر
لم يحتمل دحيم هذا الكلام حتى قام بتمرير يده على خد ابن عمه الصغير في كل عنفوان
قائلاً بنبرات تنم عن خبث اذا كبرت علمتك وش عندي
بدء دحيم مرحلة الأنحراف وتنفيذ مايشاهده واصبح الممول الرئيسي في
المدرسه حتى ذاع صيته وتم طرده من المدرسه نسأل الله له الهدايه
رجع دحيم الى الديره ومسقط رئسه جاراً اذيال الخيبه رازاً خشمه <--دحيم رافعاً خشيمه
وعندما صادف احد الجيران عند باب منزله وكان يحتسي قهوة المشراق انهال عليه
بتلك الكلمات الجارحه قائلاً الا هالحين وانتم تشربون قهوه على الصبح ياخي
الا متى هالتخلف اللي عايشينه الناس في الرياض يشربون كنتاكي وانتم قهوة مر مر الله تسبودكم
استمر دحيم في حياته مابين ملاحق التريلات لأعطاء التغبيره على سيارته تاره وتلميع
الكفرات تارتاً اخرى
ومابين هذا وهذا يتخلله الدوران عند بيت ابو فادي السوري
وادمن تلك العاده السيئه واصبح يتباهى بها نافخاً ادخنة السجائر من
كل حدباً وصوب باحثاً عن الرجوله الناقصه اللتي يريدها,,,,
كبرت مشاكل دحيم واصبح الكل من زعج منه واصبحوا يدعون عليه بدعوات
عجوزاً مقصملتاً رجليها عافانا الله وأياكم,,,,,,,,,
التحق دحيم بأحدى الشركات الفندقيه واللتي كانت على مستوى عالي في الخدمه خمس نجوم
وتعرف على احد الساكنين اللذين يوصفون بالثراء وكانت حركات دحيم تجوز لذا الشخص
وكان يقدرها وزاد تميلح دحيم وترززه قدام ولد النعمه حتى عقد معه تلك الصداقه اللتي
اودت به الى الهاويه,,,,,,,,,,,,
قرر ولد النعمه السفر الى احدى الدول الخارجيه وعرض الفكره على دحيم اللذي لم يصدق
نفسه في الموافقه كونه سوف يذهب محفولاً مكفولاً وسوف يحصب على مبتغياته الدنيئه
قام دحيم بالتبضع هو واحد عمال النظافه البنقاليين وكان ذوق البنقالي مش ولابد
واذا ختار بدله قال للدحيم زي كذا---> هذا كويس ميه ميه حرمه شوف على طول خق
بدء طريق الهاويه اليوم موعد السفر مع ولد النعمه
كان مرتدياً البدله الكروهات الصفراً الفسفوريه الفاقعة اللون والبنطال المشجر
الأحمر(قمة التناسق انت وذوقك يالبنقالي)
وعند ركوبهم الطائره
قام دحيم بالتلفظ على النساء مظخماً صوته ومتنحنحاً هيه ياولد هيش,,,
(على طبايعه الشينه دحيم الا انه عنده دين)
التفت اليه ولد النعمه منبهاً له انتبه يادحيم تراهم في هالدوله عادي بلد حريه....
دحيم: وش بلد حريه حنا هم هالحين مهوب بلد اسلامي!!
ولد النعمه :الا
دحيم : اجل وراهم كذا مايتغطون
ولد النعمه: خلاص هم مهوب مسلمين ماعليك منهم
دحيم: كان قلتلي ياخي نجيب كتب الدعوه حقت شغالة عماني مغبره محد جاها جابوها لها
ولحداً ثراها
ولد النعمه خلاص انشاءالله<--- واضح التسليك ويامن شراله من حلاله عله
استأجروا تلك الشقه ولم تمر الثواني حتى مرت تلك العاهره بصوت ناعم وهي تقول:
بدك تتصل يالله هلا اخت ناين اخت ناين ون ,,,,,,
دجيم الا بدنا ليش مابدنا تعالي يالمملوحه تعالي ياخلف جدي
ضحكت شاهيناز مظهرتن مفاتنها لأغراء دحيم
دحيم:تعالي ياحياة الشقى والعذاريب تعرفين اني حبيتس من أول نظره
تعرفين اني كنت ضايع وانتي اللي لقيتيني
تدرين انتتس العنز وانا العناق <----(واضح تأثير المزارع عليه)
تعالي ياشقى عمري تعالي ويننا فيه من زمان عنتس
ذهب دحيم الى بيت شاهيناز وحصل مالاتحمد عقباه
وعند رجوعه الى رفيقه ولد النعمه قام بحتساء المخزي والترقص على الأغاني
الماجنه وذهب مرتاً اخرى الى حبيبته شاهيناز
وعندما طرق عليها الباب لم ترد وعندما فتح باب غرفتها وجدها مع رفيقه ولد النعمه
فأصيب بصدمه نفسسيه وقال بعبرات الحزن هذي اخرتها تطعني في ظهري ياقاسي
طيب كان قلتلي قبل لأنوي اتزوجها هذا حبي الوحيد شاهيناز خانتني وشلون
اعيش من دونها
لم يستطع دحيم الصبر ورجع الى السعوديه وفي المطار طررررررررررررررن طررررررررن
هاتفه النقال يرن
دحيم :الووووو
المستشفى: انت دحيم
دحيم: نعم
المستشفى أخوك عبيد عندنا بالمستشفى عاوزينك زروري-ضروري-
ذهب دحيم للمستشفى وقابل الدكتور المسؤول عن حالة اخوه وابلغه الدكتور ان اخوه تعرض
لحادث وانه محتاج لنقل الدم وان فصيلة دم دحيم هي المطابقه لدم اخوه(مسلسل خليجي )
وعندما ظهرت النتائج ,,,,,,,,,,,,,
لقد اصيب دحيم بمرض الأيدز حمانا الله وأياكم
------------------------------------------------------------------------------

مايستفاد من الموضوع
اصدقاء السؤ هم اساس كل مشكله وعلى قولة المثل عطني صديقك اعلمك من انت
الدين الدين الدين هو الأساس في كل شيء والتربيه الصالحه
بس

والله ياحبيبي انا خفت تنحرج
لان فيه رقم 13 حقت احراج
منطبقه علييييييييييييييييييييييك


---->شباب ياليت تحظرون عزاي<----


شكرا ماي برذر